关于重阳节的传说 桓景与瘟魔斗智斗勇免灾避祸(3)

菊花黄，黄种强;菊花香，黄种康;九月九，饮菊酒，人共菊花醉重阳。九月九，是重阳;放纸鹞，线爱长。八月中秋哥送饼，九月重阳妹送鞋(仫佬族)。

重阳节，又试话登高。究竟年年如是，有乜功劳?虽则系如画嘅秋山，游吓亦好，做乜偏要向往重阳个日，至晓得风骚。你话敢样就可以避灾，亦何不大早。点解你单身前往、又试剩落个的妻孥。开讲话一部通书，都唔睇得到老。况系个的区区陈迹，重驶乜咁心操。既系你上日唔知，我亦唔怪得你去做。唉!悭吓脚步，何苦去寻烦恼。不若静坐思量，想吓边一样可图。

九月九，个个都去登高，你睇个班嫩仔，走得气嘈嘈。放起个只纸鹞在高处舞，扶汉声声(响弓声)，唤起个的懦夫，总系企在个处风头，须要努力正好。虽有声威，可惜你未满羽毛，怕只怕失足云霄，个阵就遗恨万古。咪估个条包索，可以把天箍，既替得个佬流灾流难，边处唔流到。唉!难把身世顾，只望得天怜悯，俾你有点功劳。